Ла Лига раҳбарияти "Сельта" жамоасини 2017/18 йилги мавсумда ўз стадионидаги икки ўйинда кам томошабин келгани учун жаримага тортиди.
Янги қоидаларга кўра, ҳар бир ўйинда асосий камера тушиб турадиган секторларнинг 70 фоизи мухлислар билан тўлиши керак.
"Сельта"нинг ўйинларида бундай бўлмади ва молиявий жаримага тортилди, деб хабар бермоқда MKT Esportivo.
“Балаидос” стадионида дастлабки икки турда ўртача 17 172 томошабин ташриф буюрди. Аренага эса 32 500 томошабин сиғади. Шу боисдан, "Хетафе"га қарши ўйин учун ўша трибуналарнинг чиптаси нархи 40 еврогача туширилди.
