Мадриднинг “Реал” клуби бош мураббийи Зинедин Зидан ПСЖ футболчилари Эдинсон Кавани ва Неймарлар ўртасида келиб чиққан зиддият ҳақида гапиришни истамади.

 “Биз бўлажак ўйинларга тайёргарлик кўряпмиз. “Реал” футболчилари ким аутни амалга ошириши, ким бурчак тўпини ва жарима зарбаларини ижро этишини яхши билишади. Аммо “ПСЖ” ҳақида гапирмоқчи эмасман. Мен фақат ўз жамоам ҳақида ўйлайман”, - дейди Зидан Marca нашрига.

Эслатиб ўтамиз, Франция чемпионатининг 6-турида ПСЖ ўз майдонида “Лион”ни қабул қилиб 2:0 ҳисобида мағлубиятга учратган ўйинда Дани Алвес аввал Каванига жарима зарбасини амалга оширишда ҳалақит бериб, тўпни ватандоши Неймарга олиб берганди. Кейинчалик Кавани пенальтини тўғри амалга ошира олмади.