“Барселона” клуби ярим ҳимоячиси Паулиньо “Эйбар”га қарши учрашув (6:1) дан сўнг жамоадоши Лионел Месси ҳақида фикр билдираркан, аргентиналик футболчи билан бир жамоада ўйнашдан бахтли эканлигини яширмади.
“Мени «Барселона»га олиб келган инсонларга миннатдорчилигимни билдирмоқчиман. Буюк футболчилар билан бир жамоада ўйнашдан бахтиёрман. Жамоадошларим мени “Барселона”га тезда ўрганиб кетишимга ёрдам беришди.
Каталонияда мени яхши кутиб олишди. Энди уларга ажойиб ўйиним ва “Барселона”нинг ғалабаларига қўшган ҳиссам билан жавоб қайтармоқчиман.
Месси? Дунёнинг энг кучли футболчиси билан бирга ўйнашдан ортиқроқ бахт бўлмаса керак”, - дейди Паулиньо Marca нашрига берган интервьюсида.
Эслатиб ўтамиз, “Эйбар”га қарши кечган учрашувда Месси покер муаллифига айланди, Паулиньо эса “Барселона”даги иккинчи голини урди.
