«Барселона» клуби ўз сайтида Каталония мустақиллигига бағишланган референдум тўғрисида расмий баёнот берди.
«Барселона» клуби миллатнинг ҳимояси, демократия, сўз эркинлиги ва ўзини англаш тамойилларига асосланган ҳолда, Каталония мустақиллиги учун ўтказиладиган референдумни қўллаб-қувватлайди. «Барселона» каталонияликларнинг хоҳиш-истакларини ҳурмат қилади ва унга бўйсунади», — дейилади баёнотда.
Эслатиб ўтамиз, октябрь ойида Каталонияни Испания таркибидан ажралиб чиқиши бўйича референдум ўтказилиши режалаштирилмоқда.
Аввалроқ, Ла Лига раҳбари Хавьер Тебас агар Каталония мустақиллик эълон қилса, «Барселона» Ла Лигани тарк этиши ҳақида гапирган эди.
