«Barselona» klubi o‘z saytida Kataloniya mustaqilligiga bag‘ishlangan referendum to‘g‘risida rasmiy bayonot berdi.
«Barselona» klubi millatning himoyasi, demokratiya, so‘z erkinligi va o‘zini anglash tamoyillariga asoslangan holda, Kataloniya mustaqilligi uchun o‘tkaziladigan referendumni qo‘llab-quvvatlaydi. «Barselona» kataloniyaliklarning xohish-istaklarini hurmat qiladi va unga bo‘ysunadi», — deyiladi bayonotda.
Eslatib o‘tamiz, oktyabr oyida Kataloniyani Ispaniya tarkibidan ajralib chiqishi bo‘yicha referendum o‘tkazilishi rejalashtirilmoqda.
Avvalroq, La Liga rahbari Xavyer Tebas agar Kataloniya mustaqillik e’lon qilsa, «Barselona» La Ligani tark etishi haqida gapirgan edi.
