“Реал” клуби ҳимоячиси Марсело “Бетис”га қарши учрашув (0:1) да тўлиқ ўйнай олмади.

Бразилиялик футболчи мушакларидаги оғриқ сабаб 72-дақиқада Лукас Васкесга алмаштирилди. Ҳозирда жароҳат тафсилотлари аниқ эмас, лекин бундай ҳолларда футболчилар одатий икки ҳафтани ўтказиб юборишади.

Шунингдек, Тео Эрнандес ҳам елкасидан олган жароҳат сабаб 20 кунча майдонга туша олмайди.

Кейинги турдан ўрин олган “Алавес”га қарши учрашувда Зидан чап қанотни Начо Фернандес билан ёпади.

Улардан ташқари “Реал” таркибида яна Карим Бензема, Матео Ковачич ва Хесус Вальехо каби футболчилар жароҳат олишган.