"Реал" клуби Ла Лига 5-туридан ўрин олган "Бетис"га қарши ўйинда қўпол хатога йўл қўйди.
Ўйин тугашига 20 дақиқа қолганда, бош мураббий Зайниддин Зидан икки футболчини майдонга туширишга қарор қилди. Жароҳатланган Марсело ўрнини Васкес эгаллади, Модрич ўрнига Майорал туширилди. Бироқ, қандайдир сабабга кўра, Модрич майдонни тарк этмади. Натижада "Реал" 12 футболчи бўлиб қолди.
Аммо бош ҳакам Матео Лаос хатони ўз вақтида пайқаб, майдондаги футболчиларни санаб чиқди ва Модричга майдонни тарк этиш кераклигини айтди. Бундан ташқари, Зидан билан эҳтиросга тўла суҳбат ўтказиб, уни эътиборли бўлишга чақирди.
Эслатиб ўтамиз, ўйин "Бетис"нинг 1:0 ҳисобидаги ғалабаси билан тугади.
