"Шахтёр" ҳимоячиси Дарио Срна допинг назоратидан муваффақиятли ўтолмади.
Аввалроқ, бу ҳақда Украина, бугун эса Хорватия матбуоти ёзмоқда.
Катта эҳтимол билан футболчининг ўтган мавсумдаги допинг намунасидан тақиқланган модда топилган. Энди Украина футбол федерацияси Бутунжаҳон антидопинг ташкилотига бу ҳақда хабар жўнатиши лозим.
Шундан сўнг, 35 ёшли футболчи устидан суриштирув ишлари бошланади. Барча гумонлар тасдиқланса, у дисквалификация қилиниши мумкин.