“Манчестер Юнайтед” клуби собиқ футболчиси Гари Невилл “қизил иблислар” таркибида жароҳат олган Поль Погба жамоа учун катта йўқотиш эканлигини айтиб ўтди.

“Погба — “МЮ” учун жуда катта йўқотиш. У доим тўпни ўзида олиб юришни истайди. Погбанинг ўзига бўлган ишончи юқори. Жаома эса бундай футболчилар ҳизматига муҳтож. Агар Поль бирор нимани эплай олмаса, шуни қайтадан такрорлаб кўради.

Сўнгги 12 ой у ўзига тўланган пуллар босимидан ҳалос бўла олмади. У кейинги мавсум ўз даражасида ўйнамаганини жуда яхши тушуниб турибди, лекин Поль бу мавсумни жуда ажойиб руҳда бошлади.

“МЮ” барбир бир кун келиб етакчиларсиз ўйнашга мажбур бўлади, чунки мавсум ҳали узун, жароҳатлардан эса қочиб бўлмайди”, — дейди Невилл Sky Sports нашрига.