«Ювентус» клубининг собиқ ҳужумчиси Фабрицио Раванелли ҳужумчи Гонсало Игуаинни танқид қилди.
Унинг фикрига кўра, Игуаин аввалгидек зўр ўйнамаяпти.
«Игуаин - "Ювентус" учун оғир юк. У аввалгидек эмас. Унда жисмоний ҳолати билан боғлиқ бўлмаган руҳий муаммо бор. Менимча, Аргентина термасидан чақириқ олмагач, Игуаин руҳан чўкди. Аллегри уни майдонга туширишда давом этяпти. Аммо бу унинг фойдасига ишламаяпти. Менимча, Гонсалога бир ҳафта таътил бериш керак», – деди Раванелли Radio Sportiva хабарида.
