"Лестер" бош мураббийи Крэйг Шекспир жамоа аъзоси Адриен Силва ҳақидаги гапларга эътибор қаратди..
Эслатиб ўтамиз, "тулкилар" Силванинг трансферини расмийлаштиришга 14 сония кечикдилар. Шу боисдан ҳам бу ишлар кейинроққа қолдирилганди.
"Спортинг" эса унинг трансферини расман эълон қилиб бўлганди. Энди Силва "Лестер" таркибида машғулот ўтказиш ҳуқуқига эга эмас. Англия жамоаси ФИФАга эътирознома юборган. Айни дамда бу борадаги ишлар ўрганилмоқда.
"Мен фаолиятимда бундай ҳолатни кўрмаганман. Юридик томондан олиб қарасак, бу ҳақда гапириб бўлмайди. Адриен ўзини айбдор деб ҳисобламоқда. Бироқ унда айб йўқ.
Биз Сильва ўзини кераклидек ҳис этишини хоҳлаймиз. Шунинг учун ҳам мен уни Лига Кубогида "Ливерпуль"га қарши ўйинда кийиниш хонасига таклиф қилдим", - дейди Шекспир.
