Бугун, 27 сентябрь куни Ўзбекистон футбол федерациясининг янги раҳбарияти билан илк марта матбуот анжумани ташкил қилинди.

Унда ташкилот раҳбари Умид Аҳмаджонов, вице-президентлар — Исроилов, МОҚ бош котиби Ойбек Қосимов, Ижроқўм аъзолари — Рустам Қурбонов ва Мурод Алиев иштирок этишди.

2018-2022 йилларга мўлжалланган стратегик режа ишлаб чиқилмоқда. Устувор масалаларни ўзимизга белгилаб олдик.

1. Миллий термага хорижлик бош мураббийни тайинлаш.

2. Келишилган ўйинларга қарши курашни янги босқичга олиб чиқиш. Бу борада етук мутахассислар иш олиб боришмоқда.

3. Футболимизда таниш-билишчилик, уруғ-аймоқчиликка чек қўйишни мақсад қилганмиз. Тушунамиз, агар футболчилар ёки спортчилар оиласи бўлса, улар талабга жавоб берса, марҳамат улар фаолият олиб боришлари мумкин.

4. Федерация ишини шаффофлаштириш. Бу орқали Федерацияга бўлган мухлисларнинг ишончини ва фикрини ўзгартиришга ҳаракат қилиш.

5. Мусобақаларни тубдан яхшилашимиз керак. Миллий терма жамоаларимиз ва олимпия терма жамоаларимиз Токио-2020, Қатар-2022 мусобақаларида иштирок этишига эришиш ва ЎФФ Осиёдаги энг яхши федерациялардан бирига айлантириш.