Bugun, 27 sentyabr kuni O‘zbekiston futbol federasiyasining yangi rahbariyati bilan ilk marta matbuot anjumani tashkil qilindi.

Unda tashkilot rahbari Umid Ahmadjonov, vise-prezidentlar — Isroilov, MOQ bosh kotibi Oybek Qosimov, Ijroqo‘m a’zolari — Rustam Qurbonov va Murod Aliyev ishtirok etishdi.

2018-2022 yillarga mo‘ljallangan strategik reja ishlab chiqilmoqda. Ustuvor masalalarni o‘zimizga belgilab oldik.

1. Milliy termaga xorijlik bosh murabbiyni tayinlash.

2. Kelishilgan o‘yinlarga qarshi kurashni yangi bosqichga olib chiqish. Bu borada yetuk mutaxassislar ish olib borishmoqda.

3. Futbolimizda tanish-bilishchilik, urug‘-aymoqchilikka chek qo‘yishni maqsad qilganmiz. Tushunamiz, agar futbolchilar yoki sportchilar oilasi bo‘lsa, ular talabga javob bersa, marhamat ular faoliyat olib borishlari mumkin.

4. Federasiya ishini shaffoflashtirish. Bu orqali Federasiyaga bo‘lgan muxlislarning ishonchini va fikrini o‘zgartirishga harakat qilish.

5. Musobaqalarni tubdan yaxshilashimiz kerak. Milliy terma jamoalarimiz va olimpiya terma jamoalarimiz Tokio-2020, Qatar-2022 musobaqalarida ishtirok etishiga erishish va O‘FF Osiyodagi eng yaxshi federasiyalardan biriga aylantirish.