"Реал" клуби билан Уэльс терма жамоаси мураббийлари штаби ўртасида манфаатлар тўқнашуви юз берди.
Managing Madrid хабарига кўра, Қироллик клуби устози Зайниддин Зидан ҳужумчи Гарет Бэйлнинг ЖЧ-2018 саралаш ўйинларида майдонга тушишига кескин қаршилик қилмоқда. Клуб шифокорлари ташхисига кўра, футболчида мушакларнинг чарчоқ аломатлари бор. Агар у дам олмаса, жароҳатини янгилаб олиши мумкин.
Уэльс терма жамоаси эса ЖЧ-2018 йўлланмаси учун курашда Бэйлнинг хизматига жуда ҳам муҳтож. Айни пайтда уэльсликлар D гуруҳида 14 очко билан 2-ўринни эгаллаб турибди. Саралашнинг сўнгги 2 турида Уэльс сафарда Грузия ва ўз майдонида Ирландия билан беллашади.
