"Барселона" ва Испания терма жамоаси ярим ҳимоячиси Андрес Иньеста чап оёғи сон соҳасидаги жароҳати сабаб 10 кун майдонга туша олмайди, деб хабар беради "Барселона" расмий сайти.
Футболчи Испания чемпионатида "Лас-Пальмас"га қарши баҳснинг 46-дақиқасида майдонга тушди. Бироқ 84-дақиқага келиб у жароҳати сабаб яна алмаштирилди.
Хавбек миллий терманинг ўйинларига чақирув олганди. Бироқ эндиликда Испания миллий терма жамоасининг ЖЧ саралашида Албания (6 октябрь) ва Исроил (9 октябрь) термаларига қарши ўйинларини ўтказиб юборади.