Испания чемпионатининг 7-туридан ўрин олган “Реал” – “Эспаньол” учрашуви якунланди.

Унда мадридликлар Исконинг дубли эвазига ғалабани расмийлаштиришди.

Дастлаб Иско 30-дақиқада Роналдунинг узатмасидан сўнг яккама-якка вазиятга чиқиб кетиб, ҳисобни очган бўлса, 71-дақиқада чамаси 20 метрлардан тўғри зарба йўллаб, ўйинда дубль муаллифига айланди.

Шу тариқа “Реал”нинг ўз майдонида мавсумдаги илк ғалабасига катта хиссасини қўшди. 

Шунингдек, “қироллик клуби” ушбу ғалаба эвазига 7-турдан сўнг 14 очко жамғариб, мусобақа жадвалининг 5-ўрнига кўтарилиб олди. Бироқ “Барселона” билан ўртадаги 7 очколик фарқ ҳамон ўзгармасдан қолмоқда. 

Испания Ла-Лигаси, 7-тур.

«Реал» – «Эспаньол» – 2:0 (1:0)

Голлар: Иско 30, Иско 71.

«Реал»: Навас, Ашраф, Варан, Рамос, Начо, Модрич (Себальос 82), Каземиро, Кроос (Васкес 69), Иско (Майораль 90), Роналду, Асенсио.

«Эспаньол»: Пау, Санчес (Гранеро 69), Лопес, Эрмосо, Кариколь, Рока (Наварро 46), Дардер, Фуэго, Хурадо (Гарсия 46), Баптистао, Морено.

Огоҳлантиришлар: Начо 36, Санчес 65, Каземиро 77.