Ispaniya chempionatining 7-turidan o‘rin olgan “Real” – “Espanyol” uchrashuvi yakunlandi.

Unda madridliklar Iskoning dubli evaziga g‘alabani rasmiylashtirishdi.

Dastlab Isko 30-daqiqada Ronalduning uzatmasidan so‘ng yakkama-yakka vaziyatga chiqib ketib, hisobni ochgan bo‘lsa, 71-daqiqada chamasi 20 metrlardan to‘g‘ri zarba yo‘llab, o‘yinda dubl muallifiga aylandi.

Shu tariqa “Real”ning o‘z maydonida mavsumdagi ilk g‘alabasiga katta xissasini qo‘shdi. 

Shuningdek, “qirollik klubi” ushbu g‘alaba evaziga 7-turdan so‘ng 14 ochko jamg‘arib, musobaqa jadvalining 5-o‘rniga ko‘tarilib oldi. Biroq “Barselona” bilan o‘rtadagi 7 ochkolik farq hamon o‘zgarmasdan qolmoqda. 

Ispaniya La-Ligasi, 7-tur.

«Real» – «Espanyol» – 2:0 (1:0)

Gollar: Isko 30, Isko 71.

«Real»: Navas, Ashraf, Varan, Ramos, Nacho, Modrich (Sebalyos 82), Kazemiro, Kroos (Vaskes 69), Isko (Mayoral 90), Ronaldu, Asensio.

«Espanyol»: Pau, Sanches (Granero 69), Lopes, Ermoso, Karikol, Roka (Navarro 46), Darder, Fuego, Xurado (Garsiya 46), Baptistao, Moreno.

Ogohlantirishlar: Nacho 36, Sanches 65, Kazemiro 77.