Англия терма жамоасининг собиқ устози Сэм Эллардайс Англия футбол уюшмаси (FA) билан судлашишга қарор қилди.
Daily Mail хабарига кўра, мутахассис Англия терма жамоасидан истеъфога чиқарилишидан норози бўлган.
Гап шундаки, 2016 йилда Эллардайс сохта инвесторлар ниқобини кийган журналистлар билан учрашувда, Англиядаги трансфер қоидаларини қандай четлаб ўтиш мумкинлигини айтган. Бу гаплари маҳфий равишда видеотасвирга олиниб, кейинчалик матбуотда ошкор қилинганди. Шундан сўнг, 62 ёшли мутахассис Англия терма жамоасидан бўшатиб юборилди.
Эллардайснинг ҳуқуқшунослари Англия футбол уюшмасининг бу қарорини нотўғри деб ҳисобламоқда. Уларнинг фикрига кўра, айбловлар сохта бўлган ва Эллардайс обрўсига катта путур етказган.
