Статистика оламида ўз ўрнига эга бўлган Squawka нашри Криштиану Роналду ва Лионель Мессининг умумий статистикасини тақдим этишга қарор қилди.

1985 йилнинг 5 февраль санасида дунёга келган Криштиану Роналду клублар ва Португалия терма жамоасида жами 869 та ўйинда майдонга тушиб, 612 та гол урган. Бу ўртача 0,7 ни ташкил қилади. Криштиану, шунингдек, 200 та голли узатмани амалга оширган.

Лионель Месси эса 1987 йил, 24 июнь куни туғилган. Яъни, рақибидан 2 ёш кичик. Шу кунгача у Аргентина термаси ва «Барселона» сафида 714 та ўйинда иштирок этиб, 579 та гол урган. Бу ўртача 0,8 ни ташкил қилади. Яъни, Роналдуникидан бирозгина кўпроқ.

Месси шерикларига голли узатма бериш бобида ҳам устунроқ. Футболчи шу кунгача 233 та голга ассистентлик қилган.