"Манчестер Сити" ва Англия терма жамоалари ҳимоячиси Жон Стоунс миллий терма ҳам ўзининг клуби услубида ўйнаш олишини айтиб ўтди.
"Англия терма жамоасида яхши футболчилар жуда кўп, бу ерда ҳам худди "Манчестер Сити" каби ўйнашимиз мумкин. Премьер лига ўйинларини халқаро учрашувлар билан солиштириш жуда қийин. Бироқ терма ва клубим ўртасида ўхшашликлар бор. Бироқ услубдан кўра натижа мухимроқ.
"Манчестер Сити" ҳақида нима дея оламан, биз мавсумни жуда яхши бошладик. "Челси"га қарши ўйин жуда мухим эди, менимча бу баҳс бизнинг сафарда ўтказган энг яхшиси бўлди. Пеп ҳақиқатдан ҳам яхши мураббий. Унинг қўл остида ривожланаётганимни ҳис қиляпман", - дейди Стоунс.
