Португалия терма жамоасининг собиқ футболчиси Рикарду Карвалью 7 ойга қамалди.
Айни пайтда «Шанхай СИПГ» таркибида тўп сураётган футболчи Испания суди томонидан жазоланди.
Карвалью 2011-2012 йилларда, "Реал" таркибида тўп сурганида солиқларни тўлашдан бўйин товлаганликда айбдор деб топилди. Прокуратура уни 300 минг евро жаримага тортиб, 1 йил муддатга қамоқ жазоси тайинланишини сўраган эди. Аммо суд Карвальюни 143 минг евро жаримага тортиб, 7 ойлик қамоқ жазосини белгилади.
Эслатиб ўтамиз, Испания қонунларига асосан, 2 йилгача бўлган қамоқ жазолари шартли равишда ўталади.