Франция терма жамоасининг собиқ футболчиси Сидней Гову ПСЖ ҳужумчиси Килиан Мбаппе ҳақида ижобий фикрлар билдирди.
“Агар Франция термасининг мураббийи бўлганимда, Мбаппе атрофига фақат ҳужумкор ўйинчиларни жалб этган бўлардим. Килианнинг майдонда кўрсатаётган ҳаракатлари умуман ақлга сиғмайди.
Шу кунгача франциялик футболчилар ичида Мбаппега ўҳшашини учратмагандим. Зидан ва Анри балки Мбаппедан кучли бўлишлари мумкин.
Албатта, Бензема ва Бен-Арфаларнинг ҳам майдонда ўзларини ижобий томондан кўрсатишларини таъкидлаб ўтиш жоиз. Лекин менга ҳаммасидан кўпроқ Мбаппенинг ўйин услуби ёқади”, - дейди Гову.
