Айни дамда Испания ва Каталония ўртасидаги зиддият анчагина кескинлашган. Ҳатто Каталония эртага мустақиллигини расман эълон қилишини ҳам таъкидлаган. Шундай вазиятда кўпчиликни бир нарса — “эль-классико” қизиқтиради. Хўш, энди “Реал” ва “Барселона” ўртасидаги ўйинлар қандай кечади? Каталония ажралиб чиқа олмаган тақдирда ҳам “Барселона” аввалгидек ўйнай оладими? Бу саволга Франциянинг “Canal +” нашри ўзига хос жавоб берди. Канал 20 декабрда “Сантьяго Бернабеу”да бўлиб ўтадиган “эл-классико”да тахминан қандай воқеалар юз беришини намойиш этди.