Бугун Голландия терма жамоаси ЖЧ-2018 саралашидаги сўнгги ўйинини ўтказди.
Саралашнинг "А" гуруҳида Франция, Швеция, Болгария, Люксембург ҳамда Белорус каби термалар билан тўқнаш келган голландлар ЖЧ йўлланмасидан қуруқ қолишди.
Сўнгги турда Швеция камида 7 тўп фарқи билан мағлуб этилиши керак эди. Аммо якунда 2:0 ҳисоби қайд этилди.
Гуруҳда Франция термаси 23 очко билан етакчи бўлди. Швеция ҳамда Голландия термалари эса бир ҳил 19 тадан очко жамғаришди. Бироқ тўплар нисбатига (Швецияда +17, Голландияда +9) кўра, Янне Андерсон шогирдлари ЖЧ учун курашни давом эттирадиган бўлди.
Эслатиб ўтамиз, Голландия термаси ЕВРО-2016 мусобақасини ҳам ўтказиб юборганди.
