Bugun Gollandiya terma jamoasi JCH-2018 saralashidagi so‘nggi o‘yinini o‘tkazdi.
Saralashning "A" guruhida Fransiya, Shvesiya, Bolgariya, Lyuksemburg hamda Belorus kabi termalar bilan to‘qnash kelgan gollandlar JCH yo‘llanmasidan quruq qolishdi.
So‘nggi turda Shvesiya kamida 7 to‘p farqi bilan mag‘lub etilishi kerak edi. Ammo yakunda 2:0 hisobi qayd etildi.
Guruhda Fransiya termasi 23 ochko bilan yetakchi bo‘ldi. Shvesiya hamda Gollandiya termalari esa bir hil 19 tadan ochko jamg‘arishdi. Biroq to‘plar nisbatiga (SHvesiyada +17, Gollandiyada +9) ko‘ra, Yanne Anderson shogirdlari JCH uchun kurashni davom ettiradigan bo‘ldi.
Eslatib o‘tamiz, Gollandiya termasi YEVRO-2016 musobaqasini ham o‘tkazib yuborgandi.