Португалиянинг “Бенфика” жамоаси бош мураббийи Руй Витория ЕЧЛ 3-тури доирасида “Манчестер Юнайтед” (0:1) клубига қарши ўйиндан кейинги фикрлари билан ўртоқлашди.
“Мағлуб бўлдик, бироқ айрим жиҳатлар мени қувонтирди. Ҳа, натижа ёмон бўлди, бироқ мағлуб бўлмаслик учун ҳаракат қилдик. Агарда имконият берилганида яна тўрт дебютантни майдонга туширардим.
Учрашувга яхши кайфиятда тайёрландик. Позициямизда яхши ўйнадик. Танаффусга 10 дақиқа қолганида бироз бўшашдик ва назоратни йўқотдик.
Иккинчи бўлимда “МЮ” қанчалар тажрибали эканлигини кўрсата олди. Англияликлар ўйиндаги темпни қўша олишди. Бироқ баҳсда тенглик бўлди, барчасини майда деталлар ҳал қилди”, - дейди мураббий.
