Англиянинг "Манчестер Юнайтед" жамоаси собиқ футболчиси Пол Скоулз бош мураббий бўлишни истамоқда.
У айни дамда Англия 1-лигасининг "Олдхем" жамоаси бош мураббийлигига номзод бўлиб турибди.
"Мен бу жамоани қабул қилишни хоҳлайман, буни яширмайман. Музокаралар яхши ўтди, бироқ улар яна бир неча номзодлар билан боғланган кўринишади. Бу мен хоҳлагандек иш.
Келажакда албатта бош мураббийлик соҳасида ўзимни синаб кўрмоқчиман. Сўнгги йилларда бир неча жамоалардан таклифлар бўлди, бироқ "Олдхем" менга жиддий таклиф билан чиқди. Кўрамиз, яна қандай чорловлар бўларкин", - дейди Скоулз.
