Италиянинг Tuttosport нашри томонидан 21 ёшли футболчилар орасида тақдим этиладиган “Golden Boy” совринига асосий учта даъвогар футболчилар номи эълон қилинди.

Унга кўра, Килиан Мбаппе (“ПСЖ”), Габриэл Жезус (“Манчестер Сити”) ва Усмон Дембеле (“Барселона”),каби футболчилар мазкур совринга асосий даъвогар сифатида танлаб олинишди.

Эслатиб ўтамиз, сентябрь ойида “GoldenBoy”совринига 25 нафар футболчи даъвогарлик қилаётгани ҳақида хабар бергандик.

Маълумот учун, ушбу совринни 2016 йил “Бавария” ярим ҳимоячиси Ренату Саншеш қўлга киритганди.

“Golden Boy” 2017 совринининг якуний натижалари 23 октябрь куни тўлиқ эълон қилинади.