Англиянинг "Манчестер Сити" жамоаси бош мураббийи Пеп Гвардиола АПЛ 9-турида "Бернли" (3:0) устидан қозонилган йирик ҳисобдаги ғалабадан кейинги фикрлари билан ўртоқлашди:

"Яна бир яхши натижа: иккинчи бўлимда аъло даражада ҳаракат қилдик. Тўпни ўзимизда ушлаб тура олдик, иккинчи ва учинчи голдан кейин ўйин тугади. Ғалабали сериямиз давом этаётганимиздан жуда ҳам хурсандман.

Биринчи урилган голдаги вазиятда пенальти бор эди. Бернардуга дарвозабон тегди.
Агуэро берган ваъдасини бажариши керак, у бизга кечки овқат қарздор. Яна битта гол ва у энг яхшисига айланиб олади. Бу эртами кечми барибир амалга ошади.

Қуруқ ҳисобдаги ғалаба - жуда ҳам мухим. Бизда янада кўпроқ голлар уриш имконияти бор эди. Дарвозабон ҳам яхши ўйнади. Биз ҳимояда ҳам, ҳужумда ҳам барқарор ўйин кўрсатдик", - дейди Пеп.