Айни дамда "Вест Хем" АПЛ турнир жадвалида 16-ўринда бўлишига қарамай, раҳбарият Славен Биличга ишонишда давом этади.
Раҳбарият томонидан хорватиялик мураббийга вазиятни тўғирлаш учун 2 ўйинлик имконият берилди. "Болғачилар" чоршанба куни Англия кубоги доирасида "Тоттенхем", шанбада эса АПЛнинг 10-турида "Кристал Пэлас"га қарши куч синашади. Агарда ушбу баҳсларда керакли натижалар қўлга киритилмаса, Биличга истеъфо берилади.
Биличнинг "Вест Хем" билан шартномаси ушбу мавсум тугаганидан кейин ўз кучини йўқотади.