Мухлислардан бири у билан кўришиш учун ўз ҳаётини хавф остига ҳам қўйган. Месси эса буни ҳатто сезмаган ҳам.
Қироллик кубоги учрашувидан кейин бир инсон «Барселона»нинг кийиниш хонасига олиб борадиган йўлакда футболчини пойлаб турарди. Бу — ёзувчи Роберто Савиано эди. У ўзини мана шу ерда ўлдириб кетиши мумкинлигини била туриб таваккал қилди. «Гоморра» китоби орқали Неапол мафиясини фош қилгач, унинг яшаш жойи сир тутилаётганди. Уни 24 соат давомида қўриқлаб турган 10 нафар тансоқчи сабаб у ҳали ҳам тирик, бироқ ўша куни уни ўлдиришлари мумкин эди. Шу куни қўриқчилар у учун стадиондан снайперчи нишонга ола билмайдиган жойни
