"Ньюкасль" клуби бош мураббийи Рафаэль Бенитес "Интер"да ишлаган вақти жамоа таркибини ўзгартиришни маслаҳат бергани, бироқ миланликлар раҳбарияти бунга қарши чиққанлиги ҳақида гапириб ўтди.
"Мен ярим йил ичида "Интер" билан иккита соврин ютиб олдим. Бундан ташқари худди шу натижани "Наполи" бошқарувида ҳам такрорладим.
Ўшанда миланликлар сафида 12 та 30 ёшдан ошдан футболчилар бор эди, буни ўзгартириш зарур эди. Аммо клуб президенти менга қулоқ солмаган.
Охир-оқибат қатта ўзгаришлар барибир содир бўлди, фақат мен кетгандан сўнг. Энди янги инвесторлар орқали "Интер" Скудетто учун "Ювентус" ва "Наполи"га етарлича рақобат туғдира олади.
Ишончим комил, А Серия янада кучайди. Шу қаторда, 3-4 та жамоа қолганларидан сезиларли даражада кучли. Бунга сабаб чет элдан кириб келган сармоядорлар туфайлидир", - дейди Бенитес.
