Австрия футбол федерацияси «Штурм» клуби бош мураббийи Франко Фода билан шартнома имзолаганини расман эълон қилди.
51 ёшли германиялик мутахассис 2018 йилнинг 1 январь кунидан бошлаб жамоани қабул қилиб олади. Лекин Фода 14 ноябрь куни Вена шаҳрида ўтказиладиган Уругвайга қарши ўртоқлик учрашувида Австрияни ўйинга бошлаб тушади.
Маълумотларга кўра, Фода Австрия ФФ билан 2019 йилнинг 31 декабрь кунига қадар шартнома имзолаган. Агар Австрия термаси2020 йилги Европачемпионатида иштирок этиш ҳуқуқини қўлга киритса шартнома муддати ўз-ўзидан узайтирилади.
Эслатиб ўтамиз, Фода Австрия терма жамоасида швейцариялик Марсель Коллернинг ўрнини эгаллади.
