Исроил терма жамоаси бош мураббийи Элиша Леви ЖЧ-2018 мусобақасининг финал босқичига чиқиш вазифасини уддалай олмагани учун ўз лавозимидан четлатилди.
“Мен жамоа мусобақада яхшироқ иштирок этиши учун бор кучимни сарфладим. Доимо Исроилга мухлислик қилишга ваъда бераман. Биз жамоа футболчилари билан омадли ва омадсиз кунларни бошимиздан ўтказдик.
Барча исроиллик футбол мухлисларига ишонч учун миннатдорчилик билдираман. Терма жамоани ким бошқаришидан қатъий назар унинг ишларида омадлар тилайман”, - дейди мураббий.
Маълумот учун, Леви бундан икки йил аввал Эли Гутман ўрнига тайинланганди. Элиша Леви қўл остида Исроил терма жамоаси ўз гуруҳида 12 очко жамғариб, 4-ўринни эгаллади.
