Isroil terma jamoasi bosh murabbiyi Elisha Levi JCH-2018 musobaqasining final bosqichiga chiqish vazifasini uddalay olmagani uchun o‘z lavozimidan chetlatildi.

“Men jamoa musobaqada yaxshiroq ishtirok etishi uchun bor kuchimni sarfladim. Doimo Isroilga muxlislik qilishga va’da beraman. Biz jamoa futbolchilari bilan omadli va omadsiz kunlarni boshimizdan o‘tkazdik.

Barcha isroillik futbol muxlislariga ishonch uchun minnatdorchilik bildiraman. Terma jamoani kim boshqarishidan qat’iy nazar uning ishlarida omadlar tilayman”, - deydi murabbiy.

Ma’lumot uchun, Levi bundan ikki yil avval Eli Gutman o‘rniga tayinlangandi. Elisha Levi qo‘l ostida Isroil terma jamoasi o‘z guruhida 12 ochko jamg‘arib, 4-o‘rinni egalladi.