Европа чемпионлар лигасида 4-тур учрашувлари якунига етди.

"Манчестер Сити" клуби бу турда ҳам ғалабали ўйинлар сериясини давом эттирди. "Наполи" баҳснинг дастлабки бир соати давомида "шаҳарликлар" билан тенгма-тенг кураш олиб боришга ҳаракат қилди. 62-дақиқага келиб 2:2 ҳисоби қайд этилаётганди. Бироқ қолган дақиқаларда "Сити" рақиб дарвозасига 2 марта йўл топди ва ҳисобни 4:2 кўринишга келтирди. Натижада Гвардиола шогирдлари муддатидан аввал плей-офф йўлланмасини қўлга киритишди.

Украинанинг "Шахтёр" клуби Голландиянинг "Фейенорд"и устидан иккинчи ғалабани расмийлаштирди. Ўйиннинг 12-дақиқасида меҳмонлар ҳисобни очганига қарамай, донецкликлар рақиб дарвозасини 3 марта ишғол этишга муваффақ бўлди. Ушбу ғалабадан кейин "Шахтёр" ўз очколарини 9тага етказиб олди ҳамда плей-офф босқичига чиқиш учун жуда яхши имконият ҳосил қилди.

ЕЧЛ, 4-ТУР
"F" ГУРУҲИ
Наполи Италия – Манчестер Сити Англия 2:4 (1:1, 1:3)
Голлар: 1:0 – 21 Инсинье, 1:1 – 34 Отаменди, 1:2 – 48 Стоунз, 2:2 – 62, пенальти Жоржиньо, 2:3 – 69 Агуэро, 2:4 – 90 Стерлинг.
Наполи – Рейна, Альбиоль, Гулям (Маджо, 31), Хюсай, Кулибали, Гамшик, Жоржиньо (Уна, 82), Кальехон, Аллан (Рог, 75), Инсинье, Мертенс.
Манчестер Сити – Эдерсон, Отаменди, Стоунз, Данило, Делф, Гюндоган (Сильва, 71), Фернандиньо, Стерлинг, де Брюйне, Сане (Габриэл Жезус, 90), Агуэро (Бернарду Силва, 76).
Огоҳлантиришлар: Отаменди (90), Мертенс (90), Кулибали (90).

Шахтёр Украина – Фейеноорд Голландия 3:1 (2:1, 1:0)
Голлар: 0:1 – 12 Йоргенсен, 1:1 – 14 Феррейра, 2:1 – 17 Марлос, 3:1 – 68 Марлос.
Шахтёр – Пятов, Ордец, Исмаили, Бутко, Хочолава, Фред, Степаненко, Тайсон, Марлос, Бернард (Алан Патрик, 72), Феррейра (Дентиньо, 89).
Фейеноорд – Жонс, Сен-Жюст, Хапс, Ниукоп, Эль-Ахмади, Триндаде, Тапия (Дикс, 72), Бергейс, Амрабат, Боэтиюс, Йоргенсен (Ларссон, 80).
Огоҳлантиришлар: Хочолава (36), Бергейс (49), Эль-Ахмади (54).