“АПОЭЛ” устоги Георгиос Донис жамоасининг ЕЧЛ гуруҳ босқичида икки очко тўплаганига ҳалиям ишонолмаяпти.
“Матбуот анжуманидан кейин шогирдларимга миннатдорчилик билдирдим. Футболда доим кучлилар муваффақиятга эришади. Бу фантастик натижа. Агар сен “Боруссия”дек жамоа билан икки марта ўйнасанг ва бирор марта ҳам ютқазмасанг, бу ҳақда кўплаб гапириш мумкин.
Агарда кимдир қуръадан кейин менга “Жамоанг икки очко тўплайди”, деса, устидан кулган бўлардим. Ахир биз дуранг ўйнаган рақиб — Европанинг гранд жамоаларидан бири. Бизда айни дамда Европа лигасига йўлланма олиш имкони бор, энди шунинг учун ҳаракат қиламиз”, деди Донис.
