«Барселона» ярим ҳимоячиси Сержи Роберто жамоа билан янги шартнома борасида келиша олмаяпти.
Томонлар футболчи маошининг ўзгармас қисми борасида бир тўхтамга кела олишмаяпти. «Барселона» раҳбарияти бу суммани камроқ белгилаб, маошнинг асосий қисмини бонус шаклида тўлашни таклиф қилмоқда. Аммо ҳар иккала томон янги шартнома борасида яқин кунларда келишиб олишни истамоқда.
25 ёшли испаниялик футболчининг амалдаги шартномаси 2019 йилнинг ёзида якунига етади. Унда товон пули сифатида 40 миллион евро кўрсатилган.