Италия терма жамоаси ҳимоячиси Леонардо Бонуччи ЖЧ-саралаши плей-оффининг биринчи учрашувида Швециядан учралган мағлубиятдан сўнг (0:1) ҳакамлардан нолиди.
"Бурнимни синдиришди. Ўйин бошланганига эндигина 30 секунд бўлганида Тойвонен менинг бурнимни синдирди ва у четлатилиши керак эди. Нима ҳам дердим? Қатъиятли ҳакам бўлганида ҳеч бўлмаса битта шведни четлатар эди.
Биз шведларнинг узун паслар билан ўйнашини билар эдик, шунинг учун уларга кўп вазиятлар бермадик. Аммо ўзимиз ҳам тўпни тезроқ ҳаракатлантиришимиз керак эди.
Биз охиригача ўзимизга ишонишимиз керак", - дейди Бонуччи.
Учрашувни туркияли Жунаит Чақир бошқарди.
