Италия терма жамоасининг собиқ футболчиси Андреа Пирло ЖЧ-2018 ўтиш ўйини доирасида Швецияга қарши баҳсдаги мағлубиятдан сўнг ўз фикрлари билан ўртоқлашди.
«Мен янада ҳужумкорроқ тактика танлаган бўлардим ва Лоренцо Инсиньега кўпроқ жой яратиш учун 4-3-3 услубида ўйнашни афзал кўрган бўлардим. Биз иккита ҳужумчи билан ҳаракат қилганимиз сабаб, майдон марказида жуда кўп тўп йўқотдик. Қанотларга кўпроқ эътибор қаратиш лозим.
Жавоб ўйинида бўш ҳудуд топиш анча қийинлашади, Швеция ёпиқ ўйин кўрсатади ва чуқурроқ ҳимояланади. Бундай ҳимояни эса тезкор тўп узатишлар орқали ёриб ўтиш мумкин.
Қандай қилиб бўлмасин гол уриб олишимиз керак, аммо ўйин сифати ҳам шунга яраша юқори бўлмоғи лозим. Босим жуда юқори бўлади, бироқ жавоб учрашуви – бу буткул бошқа ўйин», — дейди Пирло.
