"Манчестер Сити" яримҳимоячиси Кевин Де Брюйне ўзини Лионель Месси ёки Криштиану Роналдуга қиёслашлари уни ташвишлантирмаслигини маълум қилди.
Аввалроқ, Бельгия терма жамоаси бош мураббийи Роберто Мартинес уни аргентиналик ёки португалиялик футболчи каби юлдуз бўлиб етишишини айтган эди.
"Мени Месси ёки Роналдуга қиёслашлари ташвишлантирмайди. Менга барибир. Одамлар футболчиларни бошқалари билан таққослаб турадилар, аммо дунёда ажойиб футболчилар кўп. Мен ҳозир қандай ўйнаётган бўлсам, шундай ўйнашга ҳаракат қиламан, жамоанинг иштироки яхши таассурот қолдирмоқда. Бу яхши. Биз бир жамоамиз", - дейди Де Брюйне.
