«Шальке» ва Германия терма жамоаси яримҳимоячиси Леон Горецка келгуси фаолияти ҳақида кутилмаган қарор қабул қилиши мумкин.

Sport.es хабарига кўра, 22 ёшли футболчи 2018 йил ёзида «Шальке»ни тарк этишга қарор қилган. Бироқ, у «Барселона», «Бавария» ва «Реал» таклифини қабул қилмоқчи эмас.

Горецка Англия Премьер-лигасида тўп суришни орзу қилмоқда. Айни пайтда, унга «Челси» ва «Ливерпуль» жиддий қизиқиш билдирган.

Аввалроқ, «Шальке» футболчига клуб тарихидаги энг кўп маошни таклиф қилиб, уни жамоада сақлаб қолмоқчи экани ҳақида хабарлар тарқалган эди.