“Ойнинг ўн беши ёруғ бўлса, ўн беши қоронғи”, дейишади. Айни шу нақл “Реал”нинг қисматида ўз аксини топмоқда. Ўтган мавсумда Зиданнинг ротацияси туфайли мавсум охирида ҳам чарчоқ нималигини билмаган футболчилар бу сафар мавсум бошланишидаёқ яроқсиз ҳолатга келиб қолишяпти. Айни шу сабаб “Реал” айни пайтда пешқадамни анча олдинга ўтказиб юборди, қолаверса, яқинда бўлиб ўтадиган Мадрид дербисига ҳам анча ачинарли ҳолатда етиб келмоқда.
НАВАС ЙЎҚ!
Биринчи йўқотиш бу Кейлор Навас ҳисобланади. Боиси клуб захирасида унинг ўрнини тўлиқ боса оладиган дарвозабон йўқ. Кико Касилья эса Навас даражасида эмаслигини олдинги ўйинларда кўрсатиб қўйди. Демакки, “Атлетико”га қарши ўйинда ҳам дарвоза чизиғи “Реал”нинг ожиз нуқталаридан бирига айланиши мумкин.
КАРВАХАЛЬ ҚАЙТДИ, АММО…
Мадрид клубининг ҳимояси анчадан бери ночор бўлиб қолмоқда. Тўғри, Карвахаль қайтди, аммо у “Атлетико”га қарши ўйингача формасини тиклаб олиши мушкулроқ. Қолаверса, у касаллигини ҳали тўлиқ енгиб улгурмаган. Бундан ташқари, Варанда ҳам шундай ҳолат, у ҳам жароҳатидан тўлиқ фориғ бўлган эмас. Марсело аввалгидек ўйнамаяпти, футболчида ақлдан кўра жаҳл устун келмоқда охирги пайтларда. Демакки, Зиданда мукаммал ҳимоя яратиш борасида ҳам муаммо туғилиши тайин.
АВВАЛ БЭЙЛ, ЭНДИ ИСКО
