Россия терма жамоаси ва “ЦСКА” клуби аъзоси Алан Загоев Месси ва Роналдуни таққослади.
“Охирги 7 йилда улар “Олтин тўп”ни бировга беришмади, навбатма-навбат қўлга киритишди. Бу адолатдан, чунки улар кўп гол уришди, ғалаба қозонишди. Масалан, Роналду терма жамоа билан Европа чемпионлигини, клуб билан эса Чемпионлар лигасини қўлга киритди. Роналду — қотил машина, Месси эса санъат асари. Агар солиштирадиган бўлсам, мен учун Месси кучлироқ. Чунки у майдонга югурмай, шунчаки юрган тақдирда ҳам 3 та гол уради ва 2 та голли узатмани амалга оширади”, деди Загоев.
