Италия терма жамоаси бош мураббийи Жампьеро Вентура ўз лавозимини тарк этишини тасдиқлади.
69 ёшли мутахассис журналистнинг истеъфо бўйича берган саволига “ҳа” дея жавоб берди.
Журналист - Сиз истеъфога тайёрмисиз?
Вентура – Ҳа, албатта”, - дея мураббийнинг сўзларини келтирди football-italia.net нашри.
Маълум бўлишича, Вентура истъефо берган тақдирда Италиядан 2,6 миллион евро товон пули олиши керак. Унинг шартномаси 2020 йилга қадар мўлжалланганди.
Бироқ 60 йил деганда Италия терма жамоасини ЖЧга чиқара олмаган мураббийга 700 минг евро тўланса бўлди, у ўз лавозимини бўшатиб қўйишга тайёр, дея хабар берди Premium Sport.
Эслатиб ўтамиз, аввалроқ Италия футбол федерацияси Карло Анчелотти номзоди билан музокаралар олиб бораётгани ҳақида хабар бергандик.
