Шу пайтга қадар “Тоттенхэм” аъзоси Кристиан Эриксонга саноқли клублар қизиқаётганди. Бироқ жаҳон чемпионати саралашида Дания термаси сафида фантастик ўйин кўрсатгач, 25 ёшли футболчининг ошиқлари анча кўпайди.
Маълумотларга кўра, айни пайтда Эриксонда “Реал”, “Барселона”, “Бавария”, “Ювентус”, “Манчестер Юнайтед”, “Манчестер Сити” ва бошқа жамоалар қизиқиш билдиряпти. Аммо “шпорлар” Эриксонни 120 млн евродан камига сотмоқчи эмас.
Жорий мавсумда Эриксон клуб сафида 15 та ўйинда 4 та гол урди ва 4 та ассистентлик қилди. Терма жамоа сафида эса 9 та ўйинда 9 та гол киритди.
