«Арсенал» ярим ҳимоячиси Месут Ўзилга «Барселона» қизиқиш билдирмоқда.
Каталонияликлар «Ливерпуль» ярим ҳимоячиси Филиппе Коутиньони қўлга кирита олмасалар, ўз эътиборларини 29 ёшли германиялик футболчига қаратади.
Ўзилнинг лондонликлар билан шартномаси 2018 йилнинг ёзида якунига етади. «Арсенала» бош мураббийи Арсен Венгер қишки трансфер пайтида Месут сотилиши мумкинлигини истисно қилмади.
Ўзил Европа чемпионлар лигасининг ушбу мавсумида иштирок этмаган. Бу жиҳат «Барселона» учун қўшимча қулайлик яратиши мумкин.
Месут Ўзил АПЛнинг ушбу мавсумида «Арсенал» сафида 9та ўйинда майдонга тушиб, 1та гол урди ва 2та голга узатма берди.