Испания чемпионатининг 12-турида "Атлетико" ва "Реал" ўзаро дуранг ўйнади. "Ванда Метрополитано" стадионида ўтган учрашув 0:0 ҳисобида якунланди.
"Реал" Зидан қўл остида Испания чемпионатининг сафар учрашувида биринчи марта гол ура олмади (35 ўйин). Франциялик мутахассис 2016 йилдан бошлаб мадридликларни бошқариб келмоқда.
Примера доирасида Мадрид дербисида 2005 йилдан буён биринчи марта голсиз дуранг қайд этилди. Рақиблар "Атлетико" майдонида эса 1993 йилдан буён илк марта гол ура олмадилар.
Ушбу учрашувдан сўнг "Реал" 24 очко билан учинчи ўринда бормоқда ва пешқадам "Барселона"дан 10 очко ортда қолмоқда.
