"Барселона" бош мураббийи Эрнесто Вальверде ЕЧЛ гуруҳ босқичининг 5-турида "Ювентус" билан қайд этилган дуранг (0:0) ҳақида фикр билдирди.
"Йўқ, Мессида жароҳат йўқ. Биз унга ҳеч бўлмаса бир марта дам беришга қарор қилдик. Унингсиз ҳам кучли эканлигимизни назарда тутдик. У иккинчи бўлимда майдонга тушиб, ўйинни жонлантириши керак эди.
Биз жамоа ўйинини шундай қуряпмизки, Тер Штегенга камроқ иш қолсин. Бугун унга иш кам бўлди, аммо Дибаланинг зарбасига қилган сэйви ҳал қилувчи бўлди.
Мен Бериццо ва унинг жамоалари билан тез-тез учрашиб тураман, биз кўп мулоқот қиламиз, у менга жуда яқин инсон. Унга ўз номимдан ва бутун "Барселона" номидан куч ва тезроқ соғайишини тилайман", - дейди Вальверде.
