Испания чемпионатининг 13-тури доирасида жадвалнинг юқори қисмида бораётган жамоалар тўқнаш келишди. Пешқадам "Барселона" иккинчи ўринда бораётган "Валенсия" майдонига сафар уюштирди.
"Кўршапалаклар" биринчи бўлимда асосан ҳимоявий ўйин кўрсатишди. Баҳснинг 30-дақиқасида "Валенсия" посбонининг хатоси ва Мессининг чиройли зарбасидан кейин тўп мезбонлар дарвозаси чизиғини кесиб ўтди. Аммо на рефери, на лайнсмен буни қайд этишмади. Шу боис, "Барса"нинг голи ҳакамларнинг қўпол хатоси туфайли инобатга олинмади. Бўлим сўнгида Мессининг узатмасидан кейин Суарес дарвозабон билан яккама-якка вазиятга чиқиб, ўткир бурчак остида зарба берди. Нету зарбани оёғи билан қайтаришга муваффақ бўлди.
"Валенсия", кутилмаганда, иккинчи бўлимни ҳужумлар остида бошлади. Улар бу орқали номдор рақибга ўйин беришмади. Ниҳоят, мезбонлар учрашувнинг 60-дақиқасида ўз мақсадига етишди. Гедешнинг узатмасидан кейин Гайя чап қанотдан жарима майдончасига кириб келди ва дарвозабон майдончасига аниқ узатма берди. Родриго яқин масофадан тўпни дарвозага буриб қўйишга муваффақ бўлди.
Шундан сўнг каталонияликлар ўйин назоратини ўз томонларига оғдиришди ва баҳс тугашига 8 дақиқа қолганида ҳисобни тенглаштиришди. Лионель Месси томонидан узатилган жуда аниқ узатмани Альба ўзининг собиқ жамоаси дарвозасига тўғрилаб қўйди.
Сўнгги сонияларда "Валенсия" қарши ҳужум орқали ғалабани ўз томонига оғдириши мумкин эди. Аммо Симоне Дзадза қулай вазиятдан аниқ зарба бера олмади.
Шу тариқа, пешқадамлар бир очкони қўлга киритиб, 2 очкодан маҳрум бўлишди. Энди улар "Атлетико" ва "Реал"ни мос равишда 8 ва 4 очкога ортда қолдиришмоқда.
Испания Ла лигаси, 13-тур
Валенсия – Барселона 1:1 (0:0, 1:1)
Голлар: 1:0 – 60 Родриго, 1:1 – 82 Альба.
Валенсия – Нето, Габриэл, Гайя, Монтойя, Гарай (Рубен Везу, 86), Кондогбиа, Парехо, Гонсалу Гедеш, Солер (Санти Мина, 89), Родриго (Перейра, 82), Дзадза.
Барселона – тер Стеген, Вермален, Нелсон Семеду (Алеиш Видаль, 80), Умтити, Альба, Иньеста (Денис Суарес, 72), Паулиньо, Ракитич (Деулофеу, 68), Бускетс, Суарес, Месси.
Огоҳлантиришлар: Кондогбиа (32), Габриэл (44), Родриго (74), Перейра (89).
| 07/05 00:00 | Кристал Пэлас | 4-0 | Ман. Юнайтед | ||
| 07/05 00:00 | Лилль | 3-4 | Лион | ||
| 07/05 18:00 | Пахтакор | 4-3 | Металлург | ||
| 07/05 19:00 | ОКМК | 3-4 | Насаф | ||
| 08/05 00:00 | ПСЖ | 0-1 | Боруссия Д | ||
| 09/05 00:00 | Реал Мадрид | - | Бавария |
“Валенсия” — “Барселона”: 1-1. “Барселона” 2 очко йўқотди
| Баҳо: |
+ | -
|
Рукн: Шарҳлар ва Анонслар
Манба: stadion.uz
Киритилди: 02:46, 27.11.2017.
Ўқилди: 6522 марта.
Фикрлар: 3 та.
Ўқилди: 6522 марта.
Фикрлар: 3 та.
ЭНГ КЎП ЎҚИЛГАН ЯНГИЛИКЛАР
Мбаппе келиши учун "Реал"нинг бу футболчиси жамоани тарк этиши керак [10219]
Аббос Файзуллаев гол урган ўйиннинг сўнгги дақиқасида ЦСКА ғалабани қўлдан чиқарди (видео) [4752]
Sport TV'да 7-май куни 3 та жонли футбол трансляцияси бор [3503]
Анчелотти "Бавария" билан ўйинда "Реал" дарвозасини ким қўриқлашини айтди [2949]
Аббосбек Файзуллаев Олимпиадага борадими? [2899]
Испания терма жамоаси аъзоси "Барселона"га кўчиб ўтишга тайёр [2788]
"Манчестер Юнайтед" футболчиси жамоа бош мураббийини ҳақорат қилди [2779]
Футзал бўйича ФИФА Жаҳон чемпионатининг қуръа саватчалари маълум бўлди [2717]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|